小米智能飯煲實測　辦公室煲紅豆沙無難度【有片】

打工仔日日坐office有開工無收工，經常會口淡淡找東西吃，不想再食卡路里超標的外賣食物有乜計？小米最近在港推出的米家IH飯煲的香港版，售價549港元，標榜可以智能App操作，並可以煮到多種菜式，由普通白米飯到煲仔飯、甚至各式甜品。

▲ 飯煲連上電源後，將手機掃瞄QR code便可下載通用App，再以藍牙配對便可連接。

米家IH飯煲定價較市面的IH飯煲便宜一截，最大賣點是另設智能App，內設遙控操作功能，只要將飯煲連接WiFI，用家便可透過互聯網遙控煲飯，收工前事先設訂好，便有鬆軟白飯等你回家享用！此外，多種煮食模式，支援不同菜式，並可依照米的種類調節煮食時間，就算較少入廚房的廚藝初哥亦可輕易操作。

用飯煲煲飯有點兒普通，記者就想到可以試整健脾養胃、補血養顏的紅豆沙，最適合愛美的OL。即刻搵齊材料，實測用米家IH飯煲煲紅豆沙，睇吓有幾好味先～

今次記者測試的紅豆沙，按照App上的說明，材料包括：

紅豆：2杯約400克

陳皮：2塊 或按個人口味

片糖：60克 （用其他糖亦可）

據介紹，基本上只需將所有材料放進煲內，加水，然後便可以冚蓋開始煲！按照食譜介紹的「煮粥」模式，需時90分鐘。

90分鐘後，飯煲會有提示聲響。一開蓋便會見到完成的「紅豆沙」。以「煮粥」模式煲，紅豆不會起沙，粒粒分明較有口感，如想要起沙就要需煲完後，再另外放於攪伴機攪爛成紅豆蓉。

記者邀請一眾同事試吃，評價不俗，均指甜度適中、紅豆口感軟腍，品質尚算滿意，但或許水份略多有點稀，總合評價有5分滿分可獲得3分。

總評今次製作紅豆沙，只要事先齊備材料，以米家IH飯煲製作各式料理確實相當方便，事後清理也不麻煩，調校好時間就不會黐底，清潔簡易，性價比頗高，相信都很適合家庭甚至辦公室採用。不過所有操作都需利用手機進行，未習慣使用的話會感不便。

▲ 手機app有4個模式 ：精煮、快煮、煮粥、保溫熱飯，按程式內的食譜，可以製作煲仔飯、蒸水蛋、蛋糕等。